Tjuatoten
Start ved bustadfeltet i Dragsvik. Først 400 m på skogsveg. Turen går gjennom eit område med variert blandingsskog og eit rikt dyreliv (stor hjortestamme). Første halvdel av turen går i lett terreng, men på slutten er stien noko bratt. Toppen er eit flatt platå, varden ligg midt på dette. Hald deg til den merka stien. Ta med rikeleg med drikke, då det er lite vatn i området.
For dei som er i bra form, er turen opp til Tjuatoten ei stor oppleving. Stien følgjer egga oppover med fritt utsyn inn Fjærlandsfjorden på den eine sida og ned i Esefjorden på den andre. Har ein berre tid til ein fjelltur i Balestrand, vil vi anbefale Tjuatoten.
